amalinks wokungena

Breaking News

Amakhansila Edolobho leVictoria Ala Ukulandela Isinqumo Sebandla Kudaba Lokhetho LukaMeya


Umfula uZambezi edolobheni le Victoria Falls

Kolunye udaba olufanayo, edolobheni le Victoria Falls kubikwa amakhansila engezwani kulandela ukungemukeli isinqumo sokuba bavotele uNkosikazi Margaret Varley ukuba ngumeya.

Amakhansila wona akhetha uMnu. Somvelo Dhlamini.

Omunye wababefunwa nguzulu ukuthi abe ngumsekeli kameya, uMnu. Ephias Mambume utshele iStudio Seven ukuthi yena wala ukuthi akhethwe lanxa abanengi babefuna ukuthi athathe isikhundla lesi yena walalela isinqumo sebandla. UMambume uthi udaba lokubandlululana ngemihlobo lalo lubhahile kukhansili yedolobho leli.

“Ngingathi inkulumo zazikhona kumbe lokhu zikhona. Nxa sikhetha umeya kufana lokukhetha uspeaker wedale lephalamende. Ibandla liyahla phansi likhulumisane ukuthi ngubani ozakhethwa,” kutsho uMambume.

Uthi okwenzkalayo yikuthi ibandla labo yilo elilalamalunga alitshumi lane ayiyo wonke lanquma ukuthi kube labazancintisa kodwa bathi sebephakathi ekhthweni kasukuma abanye ababefuna ukukhethwa. Kodwa ibandla alikatsho ukuthi bazakwenziwani laba abacina besephula umthetho.

UMambume uthi bakhona abantu abafuna ukuthatha udaba lwekhansili balwenze ingani umeya ngusobhuku.

please wait

No media source currently available

0:00 0:03:47 0:00

Facebook Forum

XS
SM
MD
LG