amalinks wokungena

Breaking News

Izethekeli Zimisa Ukuvakatshela eFolosi Ngenxa Yempumela Yokhetho


Impophoma ze Victoria Falls
Impophoma ze Victoria Falls

Izethekeleli ezivela emazweni afana leleMelika leNgilandi zibikwa zacitshisa inhambo zazo kulandela ukungqoba kukhetho kukaMongameli Mnangagwa lokudutshulwa owenziwa abantu ngemva kokhetho.

EleMelika phambilini kokhetho lethula amazwi okulimukisa abavakatshela eZimbabwe lisithi isimo simi manzonzo okungabangela ukuqhamuka kodlakela ngasiphi isikhathi. Idolobho leVictoria Falls ngelinye lezindawo ezilethela uhulumende imali yakwamanye amazwe ngezethekeleli.

Ukhansila wedolobho leVictoria Falls, uMnu. Ephias Mambume njalo osebenza kwezokwethekelelwa kwelizwe uthi amankampani akumsebenzi lo acina eselahlekelwe kakhulu ngoba ayevele eselungiselele ukuba lebhizimusi elithe xaxa ngenani labantu abasebesazise ukuthi bazakwethekelela ilizwe kodwa besula amcebo abo ngenxa yomumo welizwe.

UMambume uthi kungenxa yomumo welizwe okwbangela ukuthi izethekeleli zingasabuyi elizweni.

Uthi balethemba lokuthi nxa izethekeli zingaphathwa kuhle njalo zingahlangani lengozi zizabizana ngobunengi.

“Banengi kakhulu okumangalisayo. Kuzwisa ubuhlunga nxa icompany kade isenze ama budget projections kusetshenziswa inani lezethekeleli osekuzakwenza ukuthi baguqule ngenxa yakhonoko,” kutsho uMambume.

please wait

No media source currently available

0:00 0:05:31 0:00

XS
SM
MD
LG