Namhla kuhlelo lwethu lapho esixoxa khona ngendlela eyavotwa ngayo yizakhamizi zeMatabeleland lako Bulawayo lokuthi kanti vele kungani izakhamizi zavota ngendlela ezavota ngayo sixoxa lengcwethi ecubungula ezombusazwe, uMnu. Rejoice Ngwenya othi udaba lwe Gukurahundi luya lusiba yingxoxo nje kuphela engalani lokwenza ngendlela abantu besigaba seMandebeleni abavota ngayo.
UNgwenya uthi isigaba seMatabeleland South sivele sigcwele abalwa impi yenkululeko, ama war veterans abavele bethanda ibandla leZanu PF.
“IMat South yayivele iyi stronghold yeZanu PF. Okukhona yikuthi sesikhangelisisa ukuthi abakhethwayo bakhona abaku Zanu PF bayazi na umsebenzi,” kutsho uNgwenya.
Uthi ontanga bakathesi baya begelezela khatshana besiya bekhohlwa ngodaba lweGukurahundi okokuthi ekuvoteni loludaba alusaqakathekiswa.
UNgwenya uthi koBulawayo kwakuvele kyisigaba se Zapu abantu beyivotela kodwa ngokusuka kweZapu abantu bahle bayakubandla le MDC.
“Akusoze kuguquke ngoba ama candidate lawa avela kuma structures. Kulabanye abayabe belamagama awesiNdebele kumbe awesiNdawu, kumbe yisiTonga bayabe bengaziwa ngabantu bengasebenzi labo,” kutsho uNgwenya.
