amalinks wokungena

Breaking News

Umongameli Mnangagwa Ulubhekisa KweleMelika Emhlanganweni weUN


Umongameli Emmerson Mnangagwa

Umongameli Emmerson Mnangagwa usuke elizweni izolo elubhekise ngapha kwelemelika emhlanganweni we United Nations General Assembly.

UMnangagwa usuke lequla leziphathamandla zikahulumende ezimbalwa ezigoqela umphathintambo wezemali, uMnu. Mthuli Ncube, usibalukhulu webhanga le Reserve, uMnu. John Mangudya labanye.

Umphathintambo wezenzakala phandle kwelizwe, uMnu. Sibusiso Moyo ubengekho kuqala leli ngoba ethiwa uyagula.

UMnangagwa ukhangelelwe ukwethula amazwi akhe emhlanganweni we UN ngeviki ezayo.

Osaphende isikhundla sakhe kumele kube ngomunye wabasekeli bakhe, uMnu. Khembo Mohadi ngoba owacina ukuphatha lesi sikhundla nguMnu. Constantino Chiwengwa, omunye njalo umsekeli kaMnangagwa.

Izizalwane zeZimbabwe ezihlala kweleMelika, njengenhlalayenza, zithi zizabuthana phandle kwamahofisi eUnited Nations zitshengisela zisola umbuso kaMnangangwa.

Facebook Forum

XS
SM
MD
LG