Amapholisa abezingela abaphila ngokuthengisa okudliwayo ezitaladeni ebusuku izolo kulandela ukutshaywa lokuxotshaniswa abakwenziwe ngabanu laba emini. Osomabhizimusi baze bavala amavinkili abo kulandela loludlakela.
Kunjanlo nje, abaphila ngokuthengisa ezitaladeni emadolobheni atshiyeneyo sebekhuthaze omanisipala ukuthi babuthe izibi njalo balungise masinyane impompi ezithwala ingcekeza zingadubuka ukuze kwenqatshelwe ukumemetheka komkhuhlane weCholera.
Bathi ukuthathelwa impahla lokubotshwa abakwenziwayo ngamapholisa akusoze kuwuqede lumkhuhlane. Ukuxotshwa kwabathengisayo laba ezitaladeni kubangele ukulwisana okubi phakathi kwabo lamapholisa izolo.
Emadolobheni atshiyeneyo agoqela ePlumtree, amapholisa asetshele abathengisayo ukuthi baphume baphele ezitaladeni.
Sixoxe lomunye wabathengisayo kulelidolobho uMnu Trymore Mpofu ukuze sizwe imbono yakhe ngaloludaba.
EPlumtree lapho engikhona okwenzakeleyo ngosuku Lwesibili njengoba besizwili ukuthi kuqhamuke umkhuhlane we cholera eHarare njalo sesehlukane lemphefumulo ethile amapholisa laphaabonakale ehamba ememezela nge radio ukuthi kuze kuyefika usuku lwayizolo kumele sebephumile ezitaladeni,” kutsho uMpofu.
UMpofu uthi labo abathengisa okufana lamakhabitshi lokunye okudliwayo kumele basuke ezitaladeni kodwa esithi akula oseke wabotshwa.
Uthi ePlumtree akulangcekeza ezitaladeni.
“Engithanda ukuthi ngikutsho ngifuna ukuthi itown council lohulumende bakukhangele before bengakathi abathengisa ezitaladeni baphume abakhangele amaswer aphuphumayo ikakhulu esigabeni sika ward six kulama swer amanengi aphuphumayo” kutsho uMpofu.
