Isikhulumeli senhlanganiso ye Tajamuka-Sesijikile, uMnu. Promise Mkhwananzi usekhululwe ngamapholisa ngemva kokubotshwa izolo esetheswa icala lokwethula amazwi atshotshozela udlakela ngesikhathi kulokutshengisela kwabantu besola ukuphuza kwempumela yokhetho.
Umkhwananzi uhlawuliswe imali yesibambiso sebail nngumthethwandaba othe kumele abuyele njalo ukuyathoniswa lelicala mhlaka 9 wenyanga ezayo.
UMkhwanzi, oxoxe lo Chris Gande weStudio Seven uyalilandula lelicala.
UMkhwananzi uthi aze abotshwe ngoLwesihlanu ubeke wafonelwa ngamapholisa besithi bafuna ukumbona wasebazisa ukuthi uzaqoqa igqwetha lakhe baye emahofisini abo.
“Kodwa abasafunananga ukuthi bamelele ukuthi ngizihambele basebengilanda eMedia Centre lapho kade ngilomhlangano lentathathelizindaba bele riot, imibhobho, ama button stick lezankosi. Bafika ke bangibopha izandla ngama handcuffs bangiphosela erolini behamba nenginyathela bengithethisa besithi kanti vele ngifunani elizweni le Zimbabwe,” kutsho uMkhwananzi.
Uthi esesezandleni zamapholisa awamphathanga ngocuku olufana lalapho bembopha bemphosela emoteni, okuphume kumfanekiso kamabona kude osabalele ebulenjini.
UMkhwananzi uthi bethulele umthethwandaba wokutshaywa kwakhe.
