amalinks wokungena

Breaking News

Izakhamizi Zithi Ukuvalwa Kwamanzi koBulawayo Kuzifaka Kungozi yeCholera


Amanzi avalwa ngesikhathi kuqhamuke umkhuhlane wecholera
Amanzi avalwa ngesikhathi kuqhamuke umkhuhlane wecholera

Izakhamizi zedolobho lakoBulawayo zithi zidaniswa luhelo lwakaba amanzi osoluqalile njalo.

Umanisipala wethule umbiko othi kuzaba lokuvalwa kwempompi zamanzi kathathu ngeviki.

Okudanise lezizakhamizi, kutsho isiphathamandla senhlanganiso ye Bulawayo Progressive Residents’ Assocaition, uMnu. Ambrose Sibindi kungxoxo esiyenze laye ecingweni, yikuthi izizatho zokwaba amanzi azicacanga.

“Izakhamizi zako Bulawayo singathi sezikhathazekile ngomumo. Uzakhumbula ukuthi inyanga phose ezithile ezedlulayo icouncil yayithe kulama cables eZESA atshontshiweyo manje sokulohlupho lwangale eNyamandlovu ukuthi amanzi apontshwe abuye,” kutsho uSibindi.

Uthi abantu bebecabangela ukuthi sokungcono kodwa okumangalisayo yikuthi sokulokwaba amanzi.

Uthi akucaci ukuthi uhlupho yi Zesa kumbe ngokunye njalo abalandeli isikhathi abasithi yiso esizavalwa amanzi ngoba esikhethi esinengi amanzi asevalwa mahlayana.

Ukuvalwa amanzi lokhu kuza ngesikhathi kuqhamuke umkhuhlane wesihudo se cholera osubulale abantu abedlula amatshumi amathathu.

please wait

No media source currently available

0:00 0:02:32 0:00

Yikho okuhlupha izakhamuzi icouncil iyabhoda ibikela uzulu ukuthi kumele abantu bageze izandla lokugezisa ukudla ngenxa ye cholera,” kutsho uSibindi.

XS
SM
MD
LG