amalinks wokungena

Breaking News

UMnangagwa Uhlangana Lezizalwane zeZimbabwe Emelika


UMongameli Emmerson Mnangagwa

Umongameli Emmerson Mnangagwa uthi ilizwe le Zimbabwe kumele lithaphe ulwazi olujileleyo lokuvuselela umnotho kuzizalwane zelizwe esezihlala kwamanye amazwe.

UMnangagwa wethule lamazwi ngeSonto edolobheni le New York lapho ahlangane lezizalwane zeZimbabwe phambilini komhlangano we United Nations General Assembly.

“Ngifuna ukwazisa uzulu ukuthi uhulumende wami uyazimisela ukuba ngowabantu esebenzela abantu hatshi ukuba nguhulumende ohlukuluza uzulu,” kutsho uMnangagwa.

Uthe uhulumende wakhe uzemukela iziqondiso ezivela kuzulu njalo uzimisele ukuthi kube lengqubela phambili.

Kudaba lomhlabathi uthe abasoze babuyele kuloludaba ngoba sebeluqedile njalo osekusele yikuthi kulungisiwe ukuthi umhlabathi usebenziswa kuhle esithi lolugatsha soluzavulwa kodwa kusale ukwenjiwa kwe platinum lamadayimani.

Uphathe njalo lodba lokuzibusa kwezabelo, idevolution esithi uhulumende uphakathi kokwethula imigoqo ezakwenza kubelula ukuthi izabelo zenelise ukusebenzisa imvelo ezikuyo kungangenelanga uhulumende.

“Kwezokulima sivele silenhlelo ezikhona kodwa sifuna ukuthi abazimeleyo baphathise abalimi,” kutsho uMnangagwa.

Uphethe njalo udaba lokwemba esithi kade kulohlelo olwezabelo olungahamba kahle.

Kodwa zikhona ezinye izizalwane zeZimbabwe, ezebandla le MDC ezithi zizatshengisela zisola indlela uMnangagwa akhethwa ngayo besithi waqilibezela.

NgoLwesihlanu izizalwane zeMelika ezenhlanganiso ye December 12 Movement zifole ezitaladeni zihlangabeza uMnangagwa zisithi ngumkhokheli woqotho.

Ukuhlanga lezizalwane zeZimbabwe okwenziwa nguMnangagwa kwehlukene lokukamnu. Robert Mugabe owayengafuni ukubona izizalwane zezimbabwe ezihlala kwamanye amazwe.

Sixoxe lengcwethi ecubungula ezombusazwe, uMnu. Zenzele Ndebele saqala ngokumbuza ukuthi ubona njeni inyethelo elithethwe ngumnangagwa?

please wait

No media source currently available

0:00 0:02:06 0:00

Facebook Forum

XS
SM
MD
LG