amalinks wokungena

Breaking News

UMnu. Saviour Kasukuwere Ubotshwa Ngemva Kokuzinikela Emapholiseni


UMnu. Saviour Kasukuwere

Owake waba ngumphathintambo wezabelo, uMnu. Saviour Kasukuwere ubotshiwe namhla ngemva kokuzinikela emapholiseni kulandela imbiko yokuthi uyadingwa ngamapholisa.

UKasukuwere, obengekho elizweni kodwa wafika izolo, ubecatshengelwa ukuthi uzetheswa icala lokuphosela ibhomba enkundleni ye White City ngesikhathi kukhankaselwa ukhetho kodwa igqwetha lakhe, uMnu. Jonathan Samkange, utshel iStudio Seven ukuthi akusiloqinisio ukuthi wetheswa icala lokubhomba kodwa wathi uKasukuwere wetheswa amacala amane aphathelane lokusebenzisa ihofisi yakhe esangumphathintambo ukwenza ubugulugudu lenkohlakalo.

UKasukuwere, ngomunye weziphathamandla zikahulumende ezabaleka elizweni kulandela ukususwa esikhundleni okwenziwa uMnu. Robert Mugabe, uke wabotshwa njalo kunyanga ezilutshwana ezisanda kwedlula kodwa wasekhululwa.

Abanye abaphathintambo ababekuhulumende kaMugabe abake babotshwa babalisa uMnu. Ignatius Chombo, uMnu. Sauel Undenge kunye labanye.

Bonke abake babotshwa babesekela icele leZanu PF elithiwa yi G40 osekutshiye abanye besithi kubotshwa kwabantu laba akulani lokungethembeki abakwetheswayo kodwa ukuthi babahlukuluzela imbono yabo kwezombusazwe.

Ukuhlaziya loludaba sixoxe lengcwethi ecubungula ezombusazwe, uMnu. Bekezela Maduma Fuzwayo.

“Yizinto ababezazi ngesikhathi abantu laba bengama ministers. Babekukhangele everyday kusenzakala, babekwazi. Sebephumile ukuba ngama minister sebeqala ukugijimisana sizwa kuthiwa lowu ubotshiwe, lowu ubotshiwe,” kutsho uFuzwayo.

please wait

No media source currently available

0:00 0:02:13 0:00

Facebook Forum

XS
SM
MD
LG