amalinks wokungena

Breaking News

Kambe Izivumelwano zeChina le Zimbabwe Zizaze Zethule Izithelo Na?


UMnu. Robert Mugabe ehamba loMnu. Xi Jinping, umongameli wele China.

ELe Zimbabwe lilokhu lingemukelwa ngamanye amazwe okwenza abe malutshwana amathuba okuthola uncedo lwemali.

Ele China yilo lodwa ele Zimbabwe elikhanya lizadanela khona.

Kodwa manengi amazwe asezithole esenkingeni ngemva kokwehluleka ukubhadala izikwelede ze China.

Njengesibonelo ele Zambia kubikwa lilokuthathelwa igceke lendizamtshina ngenxa yesikwelede sakwele China.

Omela isigaba se Binga South edale lephalamende, uMnu. Prince Dubeko Sibanda, owebandla le MDC, uthi izivumelwano ze China zifana lengoma emnandi ekhala ingasoze ikusuthise ngalutho.

Olwela ilungelo lezisebenzi, uMnu. George Nkiwane, owake wakhokhela inhlanganiso ye ZCTU, uthi uhulumende kumele azise uzulu imininingwane yezivumelwano azenza lele China.

Osekumangalise abanye ngezivumelwano ze China yikuthi kade kwakhulunywa ngazo kusukela ngensuku zikaMugabe kodwa kungabi lalutho oluphumayo.

Omela isigaba se Bulilima West, edale lephalamende, engowe Zanu PF, uMnu. Dingumuzi Phuthi, uthi kathesi kulomehluko ngoba uMongameli Mnangagwa ezaphuma lezivumelwano ezilezithelo.

Kodwa uMnu. Sibanda uthi ukungaphumeli egcekeni okwenziwa ekulotshweni kwezivumelwano lezi kuyasolisa.

UMongameli Mnangagwa utshele izizalwane zeZimbabwe ezihlala ngpha kweleMelika ukuthi izivumelwano ze Zimbabwe le China azilankinga ngoba konke okwenziwayo kuzazibhadala ngoba konke okudingelwa izikwelede lezi kulenzuzo.

please wait

No media source currently available

0:00 0:05:24 0:00

Facebook Forum

XS
SM
MD
LG