amalinks wokungena

Breaking News

Inhlanganiso yeVeso 24/7 Ikhuthaza Ukuncediswa Kwezifundi Ngabosowabo Abasemazweni


Amalunga enhlanganiso yeVeso.

Inhlanganiso yezizalwane ze Zimbabwe esezihlala kwamanye amazwe eye Veso 24/7 ephakathi kokuncedisa abafundi abangabayanga ezikolweni zeBeitbridge le Gwanda South, ikhuthaza ezinye izizalwane zeZimbabwe ezisemazweni ukuthi zenze okufanayo endaweni ezidabuka kuzo.

Ekhuluma embuthanweni wale inhlanganiso oqhutshelwe eJohannesburg, kwele South Africa umgcinisihlalo wayo umnumnzana Jonathan Mbedzi uthe bayazincoma ngomsebenzi asebewenzile kusukela ekubunjweni kwale inhlanganiso ngo 2012.

Uthi njengezakhamizi zeBeitbridge le Gwanda South ezisebenza kweleSouth Africa bahlala phansi ngemva kokubona ubunzima obubhekane labantwana besikolo abavela emulini ezilobuyanga.Bavumelana ukuthi kusikolo ngasinye bakhethe abantwana abalitshumi abadinga Usizo..

Okwamanje uthi sebefinyelele izikolo zeSecondary ezilitshumi lezePrimary ezilitshumi eziseBeitbridge leGwanda South.

“I aim yethu yona yikuthi sizame ukuthi sincede ekhaya ezikolweni. Umuntu uthola i pair eyi 1 eyezicathulo and then sanitary pads for the girls and then le stationary. Sizamanje ukuthi sincede laba abantwana abahluphekile,” kutsho uMbedzi.

Linhlanganiso ikhuthaza osowabo abasemazweni ukuthi labo bahlale phansi kube khona abakwenzayo ekuthuthukiseni imfundo endaweni abavela kuzo.

Kwezinye indawo ngabantwana ababhekane lendlala, abanye ngabahamba imango emide besiya esikolweni, abanye bafundela phandle, abanye abafundi ngenxa yokuswela imali yesikolo kantike abanye vele bahlezi ngoba akulazikolo endaweni abakuzo.

Elinye Ilunga lale inhlanganiso unkosazana Brenda Ndlovu uthi njengenhlanganiso badinga uxhaso olukhulu ukuze kungabi lomntwana olahlekelwa yimfundo ngoba engunyanga.

“Ngenyanga ngenyanga sihlala phansi umhlangano siqoqe imali ephathisa ekuthengweni kwalezi izinto. Kodwake kunzima ukuthi sifinyelele ezingeni esilikhangeleyo njengeqembu. Besilesicelo ukubana kulabo abalenhliziyo ziyavuma basisize ukuphathisa ngemali, kunye lohulumende angenele,” kuttsho uNdlovu.

Isizalwane seGwanda South umnumnzana Esau Madungeni uthi lezi zinhlelo abakhangelele ukuthi uhulumende azithathele phezulu.

Kutsho uMadungeni: “Besicela igovernment ibheke such things because it was supposed to be the government which initiated that, but due to the fact that ayizange yaba with that spirit to initiate, the people have started this, so we want the government to have help us when we are doing such projects.”

Inengi labeZimbabwe liyawuncoma kakhulu umsebenzi owenziwa yile inhlanganiso lisithi nxa bonke abasemazweni bengenza okufanayo endaweni abavela kuzo kungadala umehluko omkhulu kwezemfundo elizweni jikelele.

please wait

No media source currently available

0:00 0:02:34 0:00

Facebook Forum

XS
SM
MD
LG