amalinks wokungena

Breaking News

Ibandla leZanu PF Licwayisisa Imbangela yeNtengo Yempahla Ezitolo


Udwendwe labantu abadinga imali ebhanga

Ibandla le Zanu PF lithi likhathazwa yindlela intengo yempahla ezitolo ekhwela ngayo ngakho isizacwayisisa imbangela yokukhwela lokhu.

Khomisari webandla leli, uMnu. Engelbert Rugeje ubikwa etshele umbuthano walelibandla oyenzelwe eBindura ngoMgqibelo ukuthi ukukhwela kwentengo lokhu akulazizatho njalo uhulumende usefuna ukuthatha amanyathelo ukuze intengi ingayali ilokhu ikhwela mahlayana.

Kusukela ekuqaleni komnyaka intengo yempahla ibikhwela mihla ngemihla osekubangele ukuthi enye impahla ingasatholakali ezitolo.

UChris Gande weStudio Seven uxoxe lengcwethi ecubungula ezombusazwe, uMnu. Richard Mahomva ukuze sizwe imbono yakhe ngaloludaba.

“Okokuqala kumele sizibuze ukuthi uhulumende yena kalangatsha lomithetho ehlola ukukhwezwa kwentengo kumbe ukulungisa intengo yempahla eingakala empilweni zabantu Malanga lamalanga,” kutsho uMahomva.

Uthi kukhona imithetho le ehleliweyo enza lokhu okutshengisa ukuthi ibandla leZanu PF alimelanga lenze umsebenzi wokuhlolisisa ngokukhwela intengo kwempahla.

UMahomva uthi kuqakathekile ukuthi kudingwe imali engabonakileyo ukuze kubonakale ukuthi intengo ikhwela njani.

please wait

No media source currently available

0:00 0:02:05 0:00

Facebook Forum

XS
SM
MD
LG