Ibhanga lesizwe, ele Reserve, seliphe amabhanga wonke elizwe amaviki amabili ukuthi alungisise udaba lwama account asekumele ahlukuniswe awemali yakwamanye amazwe lawe mali yohlobo lwe bond njengendlela yokulondoloza isisindo semali le lokupha ithemba abakwamanye amazwe.
Lokhu kulandela ukwethulwa kwamazwi okusekela inhlelo zikahulumende, imonetray policy, ayethulwe izolo ngusibalukhulu webhanga le Reserve Bank, uMnu. John Mangudya.
Kodwa banengi abasola inyathelo leli besithi nxa ubulemali engamadola eMelika asezaguqulwa abe ngama bond, isisindo sawo esiqhubeka sisehla kusukela isikhathi umuntu afaka ngaso imali le.
Ingcwethi kwezomnotho, uMnu. Masimba Kuchera uchasisa ngokuzakwenzakala emabhanga.
UKuchera uthi abazasala belamadola eMelika ngabathunyelwa imali evela phandle kwelizwe kodwa abathola iholo bazalithola kungama bond notes.
Usomabhizimusi wako Bulawayo, uMnu. Albert Mhlanga uthi amacebo kasibalukhulu we Reserve Bank awasoze aphathise ilizwe.
Kodwa abanye abasekeli bebandla le Zanu PF bathi uzulu engaphangi ethi uhulumende kaMnangagwa usehlulekile ngoba sisesesilutshwana isikhathi ephethe intambo zombuso.
Omunye wabo nguMnu. Joseph Tshuma.
Umphathintambo wezemali, uMnu. Mthuli Ncube ukhangelelwe ukwethula uluhlu lwendleko zikahulumende, ibudget, ngenyanga ezayo lapho okuzavela sobal ukuthi uhulumende uzakwenelisa na ukuvuselela umnotho welizwe oqhubeka usiya nganxele.