amalinks wokungena

Breaking News

'EleZimbabwe Selibuyela Edakeni Ebelixakele Kilo Ngo2008'


Uzulu uthi ilizwe likhanya selibuyela esimeni elike laba kiso ngomnyaka ka2008 lapho umnotho obhidlike khona waba zimvuthu, uhulumende wacina esesula idollar leZimbabwe sokusetshenziswa eleMelika lemali yakwamanye amazwe.

Lanxa ibhanga elikhulu lelizwe eleReserve Bank of Zimbabwe (RBZ) lisanda thatha amanyathelo elithi ajonge ukuvuselela umnotho, abanye bathi ukukhwela komthelo wokusebenzisa icard lebhanga kuzakwenza umumo ube mubi ngoba le kuyindlela yokuthathela abantu izimali abavele bengelazo.

Ngo2008, uzulu ubhekane lobunzima obumangalisayo obugoqela ukusilela kwempuphu, amafutha okupheka lawezimota ngitsho lesawudo sibi salo.

Sikhulumanje, ukusilela kwezinto ezifana lephethulo ledeasel kanye lesinkwa sokuqalisile.

Isisindo sebond laso sitshabalala ngamandla nxa kuqathaniswa ledollar leMelika lanxa uhulumende etshela abantu ukuthi ibond liyalingana ledollar.

Ukusilela kwemali emabhanga kuyaqhubeka kanti lentengo yezinto ezimqoka ikhwela njalo nje.

Isiphathamandla seMDC uMnu Albert Mhlanga uthi lezi zimpawu ezikhomba ukuthi uhulumende weZanu PF akalawo amaqhinga okuvuselela umnotho.

please wait

No media source currently available

0:00 0:03:32 0:00

Kodwa isiphathamandla seZanu PF uMnu Joseph Tshuma uthi abantu kabamelanga baphange bahlulele uhulumende ngodaba lomnotho ngoba engakabi lesikhathi esembusweni.

please wait

No media source currently available

0:00 0:02:17 0:00

Ingcwethi ecubungula ezombusazwe uDr. Brilliant Mhlanga uthi kusobala ukuthi uhulumende kaMongameli Emmerson Mnangagwa kakwazi ukuthi angawulungisisa njani umnotho.

Wengeze wathi amanyathelo amenyezelwe ngusibalukhulu weReserve Bank of Zimbabwe uMnu John Mangudya ngoMvulo kasoze aphathise.

please wait

No media source currently available

0:00 0:06:10 0:00

Facebook Forum

XS
SM
MD
LG