amalinks wokungena

Breaking News

Udutshulwe Wafa Owesilisa eHarare Kumbango weParking


Kulowesilisa odutshulwe ngomunye wafa eHarare ngoLwesithathu ngemva kokuxabana phezu kwendawo yokugcinela izimota okwesikhatshana ezitaladeni, i-parking.

Umadubula ngosakhulayo oleminyaka yokuzalwa engamatshumi amabili lane ocatshangelwa ukuthi usebenzela uhulumende kuthi umufi yena uleminyaka engamatshumi amane.

Umufi ubikwa ebengomunye wabantu ababhadalisa abatshayeli ngokungekho emthethweni nxa befuna ukutshiya izimota zabo ezitaladeni okwesikhatshana.

Ababili laba kabakabethwa ngamagama.

Kuqhamuke ingxabangxoza ngemva kwesehlakalo lesi uzulu watshisa imota kamadubula njalo wamtshaya walibala kakubi.

Amapholisa athi asacwayisisa. Umufi ubikwa etshiye unkosikazi ozithweleyo labantwana abane.

“Sixwayisa uzulu ukuthi engaze aphazamisa ukuhamba kuhle kwezimota kanye lokuphaka kwazo ezitaladeni… Sisaphenya phezu kwesehlakalo lesi,” kutsho isikhulumeli samapholisa uMnu Paul Nyathi.

Olwela amalungelo oluntu njalo eyisakhamuzi seHarare uMnu Charles Nyoni isole kakhulu isehlakalo lesi esithi kulusiki kakhulu ukuthi ulomuntu olahlekelwe ngumphefumulo.

please wait

No media source currently available

0:00 0:02:19 0:00

Facebook Forum

XS
SM
MD
LG