Ekuqhubekeni kokanakala komnotho lokuqansa kwentnengo yokudla lenye impahla ezitolo izizalwane ze Zimbabwe zibikwa sezithumeza impahla le ngobunengi.
Lokhu kwenzkala lanxa uhulumende elokhu engakasusi umthetho owenqabela ukuthengwa kwenye impahla phandle kwelizwe.
Uhulumende uthi lumthetho, othiwa Statutory Instrument 64 kuzamele ufakwe eceleni ukwenzela ukuthi abantu benelise ukuthenga impahla phandle kwelizwe kodwa lokhu ukhona.
UChris Gande weStudio Seven uxoxe lesizalwane seZimbabwe, uMnu. Cassius Jeyz Simana Mpofu.
"Isikhathi sonke abantu bebethenga kodwa kathesi nxa sikhangela omalayitsha kodwa nxa sikhangela ku highway lapha siyabona ukuthi indlela esithengwa ngayo itshengisa ukuthi sokulodubo ekhaya. Sesiphendukile njalo kumnyaka ka 2008 lapho abantu kade bephila ngokudla kwe South Africa," kutsho uMpofu.
Uthi oikubonakala kakhulu yikudla okucapha umngcele esithi intengo ye South Africa inganeno lanxa iRand lalo liyalengalelenga.
UMpofu uthi ukuthenga impahla eSouth Africa kunzima ngoba emngceleni zikhona ezinye impahla ezingavunyelwa ukucapha iyathathwa.
"Impahla ziyathengeka kakhulu ngoba ungakhalakhla kobo malayitsha liyezwana impahla zakho zihambe," kutsho uMpofu.
Uthi abadinga umsebenzi bevela eZimbabwe bathwalanzima ngoba imithetho yokudinga ubuphepheli isiguqukile.