amalinks wokungena

Breaking News

Sizaqothula Imbokodo Lesisekelo; Kuxwayisa uMadinda


Umqeqetshi weqembu leHighlanders uMadinda Ndlovu

Umqeqetshi weHighlanders uMadinda Ndlovu uthi amaqembu amanengi kuzamele alimuke nxa edlala leqembu lakhe kumidlalo eseleyo yalonyaka ngoba abafana bakhe bezabe besidla ubhedu.

Kulemidlalo yeCastle Lager Premier Soccer League emithathu ezadlalwa ngempelaviki.

NgoMgqibelo iqembu leBlack Rhinos lizadibana leleHarare City enkundleni yeNational Sports Stadium kuthi ngeSonto iqembu leShabanie Mine lizadlala leleHighlanders enkundleni yeMaglas.

UMadinda uthi sebegijimisa ukuqeda imidlalo yePSL bekuzinga lesine kungalane yemiklomelo ngemva kokukhutshwa kweqembu lakhe kumncintiswano weChibuku ngempelaviki eyedluleyo.

“Ngilusizi ukuthi abo (FC) Platinum bonalaba nxa bengasazanga bahle badobha imiklomelo bazathola lapha sekunzima ngoba abafana bazabe sebedlala befuna ukuzitshengisela ukuba kumele sibaqhatshe njalo langomnyaka ozayo,” kutsho uMadinda.

NgeSonto njalo kulomdlalo omkhulu phakathi kweDynamos leCAPS United enkundleni ye Rufaro.

Lumdlalo ulakho ukukholisisa abalandeli bomdlalo wenguqu njengoba ngakwelinye icele iqembu leCAPS United lilwisa ukuqeda lisendaweni ezine eziphezu kwengalane yemiklomelo.

Iqembu leDynamos lona lisengozini yokugunyulwa kusigaba sePSl lonyaka liyedlala ezikwakweni kuDivision One ngomnyaka ozayo.

please wait

No media source currently available

0:00 0:02:29 0:00

Facebook Forum

XS
SM
MD
LG