amalinks wokungena

Breaking News

Inkokheli yeZCTU Ebifuna Ukutshengisela Yabotshwa Isikhululiwe


Olwela ilungelo lezisebenzi, uMnu. Munyaradzi Gwisai emi loMnu.Job Sikhala we MDC phandle komthethwandaba.

Umthethwandaba ka Mantshi ukhulule inkokheli zenhlanganiso yeZisebenzi ye Zimbabwe Congress of Trade Unions eziyisikhombisa okubalisa umkhokheli, uMnu. Peter Mutasa kanye lonobhala jikelele uMnu. Japhet Moyo, ngemva kokubahlawulisa imali yesibambiso sebail, engamatshumi amahlanu ngamunye, i$50.

Inkokheli ye ZCTU kunye lamalunga enhlanganiso le babotshwe ngoLwesine besetheswa umlandu wokuba yingxenye yombuthano othiwa obungekho emthethweni obusenziwa ngenjongo yokutshengisela.

Abesilisa abahlanu abelethwe bevelala e Remand yibo abamiswe phambi komthethwandaba kaMantshi i Magistrate Court ukuzakuzwa isinqumo sesicelo sokuba bavunyelwe ukuhlawula imali yesibambiso i bail.

Kuthi ababili bakhona abesifazane abezanga emthethwendaba ngoba abohlangothi lwezokulondolozwa kwezibotshwa beveze ukuba kuswelakale imota yokubathwala isuka labo e Chikurubi Maximum Prison lapho bebegcinwe khona.

Esethula isinqumo sakhe emthethwandaba we Magistrate Court u Mantshi u Nyasha Vitorini utshele idale ukuba kasikho isizatho sokubvalela abayisikhombisa laba.

Kodwa umtshutshisi uMnu. Sabastian Mutizirwa ubeke waphikisa ngoLwesihlanu ukuba abayisikhombisa laba baphiwe ithuba lokuhlawula imali ye bail. Uphe isizatho sokuba likhulu kakhulu icala abaletheswayo, njalo belakho ukuphinda icala elifanayo nxa bengakhululwa. UMutizirwa ubesithi balakho ukubaleka kuleli bangalitholiswa lelo thuba lokuba bahlawule imali yesibambiso ye bail.

Umantshi uMnu. Vhitorini uphikise konke lokho obekusethulwa ngumtshutshisi watshela idale ukuba akula bufakazi obusekela ukuba balelwe ukuphiwa ithuba lokuhlawula imali yebail bengakadali cala umtshutshisi u Mutizirwa acabangela ukuba bazolidala.

Elinye lamagqwetha asebenza lenhlanganiso yamagqwetha alwela ilungelo loluntu eye Zimbabwe Lawyers for Human Rights – ZLHR uMnu. Alec Muchadehama ulandisa ngokwenzakale edale lemthethwandaba we Magistrate lapho abamelayo abayisikhombisa betholiswe ithuba lokuhlawula imali yesibambiso ye bail.

Ulandise njalo ukuba kungani u Mantshi u Vhitorini engazange anike abamelayo laba okumele bakulandele okulukhuni njengalokho okwandise ukuba kwenziwe ngaphandle kokubatshela ukuthi bahlale emizini yabo elamakheli abawanikeze idale.

Ulandise ngamanye amanyathelo azolandelwa phezu kwaloludaba.

Amalunga lenkokheli ye ZCTU kanye lozulu ababekade beze ukuzakuzwa lesi sinqumo bebethabe bemanzi te ngemva kokuba ababotshiweyo laba benikezwe ithuba lokuhlawula imali yesibambiso se Bail.

Enye yalenkokheli kungumnumzana Rabeseck Muteyo we Chemichal Plastics Allied Workers Union.

Labalwela ilungelo loluntu ababalisa abe Occupy Africa Unity Square labo bazile emthethwandaba ukuzakuzwa isinqumo ebesizokwethulwa nguMantshi.

Umnumzana Charles Nyoni owenhlanganiso le upha umbono wakhe phezu kwalesi sinqumo simaMantshi umnumzana Vhitorini.

UNyoni ulandise njalo ngenkulumo kaMantshi ngesikhathi esethula lesi sinqumo lapho aphikasane lohumende kwesinye sezizatho zabo sokubalela ukuba batholiswe ithuba lokuhlawula imali yesibambiso i bail ngoba becatshangelwa ukuba bezophinda batshengisele njalo njengoba isimo silokhe singakaguquki.

Abayisikhombisa laba babotshwe ngoLwesine phandle kwesigodlo samahofisi abo e Golorn House belungiselela ukuya emthethwandaba kudaba lwabo lokuphikisa isinqumo samapholisa sokubalela ukutshengisela bekhonona ngesimo somnotho elizweni kanye lezinye zezinqumo uhulumende asezithatha ngendlela yokuvuselela umnotho welizwe abe ZCTU abathi zilimaza uzulu lezisebenzi.

please wait

No media source currently available

0:00 0:04:10 0:00

Facebook Forum

XS
SM
MD
LG