amalinks wokungena

Breaking News

Izibophele Yafa Injiva yePlumtree Ngemva Kokubulala Umkayo Ngengqamu eGoli


Kulowesilisa onakanelwa ukuthi ubulale unkosikazi wakhe kweleSouth Africa ngesihluku esimangalisayo wasebaleka wayazibophela emzini wakhe esigabeni seJutjume, ePlumtree laye wafa.

UFortunate Nkomo unyamalale ngoMvulo ngeviki edluleyo elokitshini leHillbrow, eJohannesburg evela emsebenzini kwazotholakala isidumbu sakhe sigwazwe sasikasikwa ngengqamu salahlelwa duzane lomfula uJoskei elokitshini leAlexandria.

Umyeni wakhe uPennius Ncube, onakanelwa ukuthi nguye ombuleleyo uthe ngokucatsha komkakhe wasuka ngesiphithiphithi eMzansi walubhekisa eZimbabwe lapho afike wazibophela khona.

Amapholisa aseZimbabwe lawaseSouth Africa akufakazile konke lokhu. Isehlakalo lesi sitshiye izakhamizi zeJutjume zikhuza umhlola.

Imuli kaMaNkomo ithi iphakathi kokulungiselela ukuthwala isidumbu sakhe ukuze siyengcwatshwa ekhaya kuliviki.

“Okwamanje sesithole zonke imfanelo; sesilungiselela nje ukusuka lapha eJohannesburg ngoLwesine sesisiya ekhaya,” kutsho umnewabo, uMnu Valentine Nkomo ekhuluma leStudio 7.

please wait

No media source currently available

0:00 0:02:18 0:00

Facebook Forum

XS
SM
MD
LG