amalinks wokungena

Breaking News

I-ZCTU Kumphathintambo Wezisebenzi: Sibuhlungu Ngokuhlukuluzwa Kwamalunga Ethu


Ihlanganiso yeZCTU isikhonone kumphathintambo wendaba zezisebenzi, uNkosikazi Sekani Nzenza, ngokuhlukuluzwa mahlayana kwamalunga ayo ngamapholisa.

Iziphathamandla zalinhlanganiso zihlangane loNzenza ngoLwesithathu zasola ukubotshwa komgcinisihlalo wazo eMidlands, uMnu Kudakwashe Munengiwa lamanye amalunga eZCTU kumalanga edluleyo.

UMunengiwa uthethwe ngamapholisa ayamgcina enkambeni okwamahola athize ngoLwesithathu emethesa icala lokuqoqa ukutshengisela okwakuhloswe yinhlanganiso yakhe ngeviki edluleyo.

Kodwa ubuye wakhululwa engetheswanga cala ngokusemthethweni.

Unobhala jikelele weZCTU uMnu Japhet Moyo utshele iStudio 7 ukuthi bakhonone njalo kuNkosikazi Nzenza ngokutshaywa lokubotshwa kwenkokheli yabo ngoLwesine olwedluleyo.

Wengeze wathi bakhulume njalo ngesidingo sokuvuselela inkulumo phakathi kwezisebenzi, abaqatshi kanye lohulumende phansi kweTripatite Negotiating Forum.

please wait

No media source currently available

0:00 0:02:22 0:00

Isikhulumeli samapholisa uNkosikazi Charity Charamba uthe ubengeke akhulume ngokubotshwa kukaMnu Munengiwa ngoba ukukhefu.

Facebook Forum

XS
SM
MD
LG