amalinks wokungena

Breaking News

Kuphazanyiswa Ingxoxo yeGukurahundi eHarare Ngemva Kwe Documentary Yombhuqazwe


UMnu. Ibbo Mandaza.
UMnu. Ibbo Mandaza.

Kuqhamuke ukuxokozela ngemva kokuba abanye abantu abacatshengelwa ukuba ngabacuphi be CIO bephazamise ingxoxo ebikhona izolo ntambama eHarare kulandela ubukisa umfanekiso weDocumentary otshengisa okwenzakala ngesikhathi sombhuqazwe we Gukurahundi.

Lumfanekiso, othiwa “Gukurahundi Genocide 36 Years Later utshengisa abasinda kulumbhuqazwe bekhuluma ngokwenzakalayo.

Ukhona omunye ongasela ngalo okhuluma ngokwemehlelayo, okuzwisa usizi.

Intathelizindaba uZenzele Ndebele onguye owaqoqa iDocumentary le ekhuluma labahlukunyezwa ezigabeni zeMatabeleland le Midlands ilizwe lisanda kuthola uzibuse, ubemanyene lenhlanganiso yeSAPES Trust ukuyibukisa eHarare, kulandela umsebenzi ofanayo koBulawayo ekupheleni kwenyanga edluleyo.

KoBulawayo umcimbo wokubukisa lidocumentary watshiya abanye beklifiza inyembezi.

Umqondisi wenhlanganiso yeSAPES Trust uMnu. Ibbo Mandaza umise lingxoxo ngemva kokuba abesilisa abalihlekana abakade bebukele beziphathe ngendlela engakhwabithwanga ngabanye. Kubikwa abesilisa laba benza okufanayo kubukiswa ihlandla lakuqala lalumfanekiso eminyakeni embalwa edluleyo.

Ukuze sizwe okunengi okwenzakaleyo, uSithandekile Mhlanga weStudio 7 uxoxe loNkosazana Thandekile Moyo, obekulumbuthano eHarare.

"Mina bengihlezi phansi komunye uubhudi obesefuna ukukhala, ngiyakhumbula ngizibuza ukuthi ngenze ingani angimboni yini," kutsho uMoyo.

please wait

No media source currently available

0:00 0:03:46 0:00

XS
SM
MD
LG