amalinks wokungena

Breaking News

Osomabhizimusi beZimbabwe Bahlangana Labosowabo beMelika Bekhulumisana Ngokusungula Imisebenzi


Zimbabwe National Chamber of Commerce
Zimbabwe National Chamber of Commerce

Osomabhizimusi abadabuka eZimbabwe bephansi kwenhlanganiso ye Zimbabwe National Chamber of Commerce bangapha kweleMelika bekhulumisana labosowa ngenjongo yokuthi basungule amabhizimusi eZimbabwe.

Izolo ntambama bebesemhlanganweni othiwa CEO roundtable khonapha edolobheni le Washington DC lapho abaxoxisane ngodaba lomnotho we Zimbabwe lamathuba okusungula amabhizimusi.

Sixoxe lomunye wabo, umnu. Misheck Mpofu ukuze sizwe okunengi ngaloludaba.

“Okusilethe lapha yikuthi sizama ukudinga imali ukuthi siyethuthukisa isizwe sakithi. So sizama ukudinga imali, sizama ukubiza ama investors ukuthi bazovula amafekitali ngoba abantwana be Zimbabwe bayadubeka. Yikho libabona besiya kwamanye amazwe yikudinga umsbenzi,” kutsho uMpofu.

Uthi yikho bezama ukudinga asomabhizimusi besebenzelana lenhlanganiso ethiwa Corporate Africa le Albright Stonebridge besenza imihlangano lezinye ezipha izikwelede.

UMpofu uthi baqoqwe yinhlanganiso ethiwa CEO Roundtable Africa.

please wait

No media source currently available

0:00 0:02:29 0:00

XS
SM
MD
LG