amalinks wokungena

Breaking News

Kambe Ungalungisiswa Umnotho Welizwe Kulabahuquluzi Benotho Abasebenza Kuhulumende?


UMnu. Mthuli Ncube.

Ukuxokozela okukubhanga lesizwe, ele Reserve, okubangelwe yikumiswa umsebenzi okwenziwe iziphathamandla ezine zalelibhanga sokutshiye abanye besithi imizamo yokuvuselela umnotho welizwe ingaba ingalandelwa yiziphathamandla ezifuna ukusenga lezimithiyo kwezomnotho.

Ihlekana leziphathamandla zebhanga lesizwe kunye lezinye iziphathamandla zikahulumende zicatshangelwa ukuthi zingaba lesandla ekuthengisweni kwemali emkambo wensitha kusukela ngesikhathi sombuso kaMnu. Robert Mugabe.

Ingcwethi kwezomnotho zithi nxa loludaba lungalungiswanga kuzakubanzima ukuvuselela umnotho welizwe.

Ezinye ingcwethi ezifana loMnu. Rejoice Ngwenya, zithi akusimuntu oyedwa ohuquluza inotho yelizwe.

UNgwenya uthi okunye okwenza kube lobuhuquluzi benotho yiziphathamandla zikahulumende yindlela ibandla le Zanu PF ezisebenza ngayo.

Enye njalo ingcwethi kwezomnotho, uMnu. Masimba Kuchera uthi ukubotshwa kwezisebenzi zebhanga le Reserve akuphanga themba kuzulu labafuna ukusungula amabhizimusi.

Umphathintambo wezemali, uMnu. Mthuli Ncube ukhangelelwe ukwethula uluhlu lwendleko zikahulumende, inational budget ekupheleni kwenyanga ezayo lapho azaveza khona eminye njalo imizamo yokuvusela umnotho welizwe.

please wait

No media source currently available

0:00 0:04:10 0:00

Facebook Forum

XS
SM
MD
LG