amalinks wokungena

Breaking News

Umfundisi Magaya Uyabotshwa, Ahlawuliswe Ibail Kucala Lokuthi Usethole Umuthi Owelapha iAIDS


UMprofitha Walter Magaya
UMprofitha Walter Magaya

Umprofitha Walter Magaya owesonto ye Prophetic Healing Deliverance ubemiswe emththwandaba namhla esetheswa icala lokumemezela ukuthola umuthi wokwelapha umkhuhlane wengculaza lemvukuzane.

Umtshutshisi, uMnu. Sebastian Mutizirwa utshele umthethwandaba ukuthi amapholisa athola amasamanisi okuguduza endlini kaMagaya athola imitshina yokulungisa umuthi uMagaya awuphe ibizo lokuthi yi Aguma.

UMantshi uNkosazana Rumbidzai Mugwagwa uphe uMagaya ithuba lokuhlawula imali yesibambiso engamadola angamakhulu amathathu njalo waziwa ukuthi uzamele aphenduke emthethwandaba mhlaka 26 kuyonale inyanga ukuzothoniswa.

Amaphepha asemthethwandaba atshengisa ukuthi amapholisa athe engena endlini kaMagaya athola kulobufakazi bokuthi ubefuna ukufihla kade ekwenza ngokupheka umuthi wakhe.

UMagaya wenze umhlangano leziphathamandla zezempilakahle lapho axolise khona ukuthi ngokwethulela uzulu imbiko yokuthi umuthi wakhe uyelapha ingculaza ubephangisile ngoba umthetho usithi kumele kuqale kuhlolisiswe ukuthi uyasebenza na.

Ukuhlaziya loludaba uChris Gande weStudio Seven uxoxe loMfundisi Ray Motsi owesonto ye Baptist Church ukuze sizwe okunengi ngaloludaba.

“Engaba ephambanisile nxa kuyikuthi abalalwazi olunengi ngakho kumbe umuthi yena lowo athi ulawo. Nxa ungelabufakazi obugcweleyo uyabe ukhohliswa abantu phela,” kutsho uMotsi.

please wait

No media source currently available

0:00 0:02:02 0:00

XS
SM
MD
LG