amalinks wokungena

Breaking News

Amapholisa Aya Emzini kaMkhwananzi Esiyadingisisa Ukuthi Mpela Abazali Babulawa yiGukurahundi Na?


UMnu.Terence Mkhwananzi okuthiwa wathuka umongameli welizwe leZimbabwe.

Amapholisa abikwa izolo eye emzini kaMnu. Terence Mkhwananzi owatshela ikhomisheni ecwayisisa ngokubulawa kwabantu phambilini kokhetho ukuthi uMongameli Emmerson Mnangagwa ngomunye wababulala abazali bakhe besiyadingisisa ukuthi liqiniso na ukuthi abazali bakaMkhwananzi babulawa yi Gukurahundi.

UMkhwananzi, olilunga leMthwakazi Republic Party, wabotshwa ngemva kokukhuluma kukhomisheni ekhokhelwa nguMnu. Kgalema Motlanthe, uhlala ko Bulawayo kodwa ekhaya edabuka eNkayi lapho okuhambe khona amapholisa.

UMkhwananzi ubengekho eNkayi eko Bulawayo kodwa amapholisa amane afika emzini wakhe ekhuluma isiShona esithi azobuzisisa ukuthi abazali bakhe babulawa yi Gukurahundi na.

Abazali baka Mkhwananzi bafa ngesikhathi se Gukurahundi.

Umkhokheli webandla le MRP, uMnu. Mqondisi Moyo utshele iStudio Seven ukuthi basadingisisa ngodaba lolu ngoba bona besazi ukuthi loludaba lusemthethwandaba. Uthi bazise amagqwetha ngalokhu njalo bakhangelele ukuthi bazathola isicebiso.

"Kuyasidanis ukuthi kanti why kwadojwa uMkhwananzi singasabali ukuthi kwadojwa labanye abantu bethu abathathu. UMkhwananzi kayisuye yedwa owakhuluma ngendaba yombhuqazwe," kutsho uMoyo.

please wait

No media source currently available

0:00 0:03:07 0:00

Facebook Forum

XS
SM
MD
LG