Umongameli Emmerson Mnangagwa usekhuthaze uzulu ukuthi amanyane engethuswa yikonakala komnotho welizwe ngoba ezakulungisisa.
UMnangagwa wethule lamazwi la izolo embuthanweni wesonto ye Zion Christian Church eMasvingo embuthanweni wokuthakazelela ilanga lokuzalwa komkhokheli wesonto le, uBishop Nehemiah Mutendi owenelise iminyaka engamatshumi ayiskhombisa lasithoba munwe munye.
UMnangagwa uthe okwakathesi kubuhlungu njengomuntu okhulelweyo osezabeletha kodwa esazi ukuthi ubuhlungu bakhona buzedlula.
Kunjalo nje, uMnangagwa usuke elizweni izolo elubhekise eGuinea lapho azahlalakana khona losowabo bexoxisana ngendaba zokuqinisa ubedlelwano.
Ukuhlaziya loludaba uChris Gande we Studio Seven uxoxe lengcwethi ecubungula ezombusazwe, uMnu. Dumisani Nkomo.
