amalinks wokungena

Breaking News

Ingcwethi Zithi Ilizwe Lilamba Kodwa Umhlabathi Umumethe Inotho


Abemba imigodi

Phakathi kokudubeka ilizwe liswela imali ingcwethi kwezomnotho seziqinisa elokuthi ilizwe kumele lidanele kusiphiwo semvelo; ezenjiwayo njengendlela yokuthuthukisa umnotho ngoba inotho igcwele emhlabathini.

UMongameli Emmerson Mnagangwa wethulele ilizwe imbiko ethi kuyathembisa ukuthi ilizwe lingasuka ebuyangeni ngoba inkampani yakwele Australia, ethiwa Invictus ithembisa ukuthi ilizwe lingathola amafutha ezimota eMzarabani duze lomgcenele leMozambique.

Kodwa abanye bayasola besithi inkokheli yelizwe igcwele inkokhlakalo okungenza inzuzo engatholakala emgodini itshaphazwe.

Owake waba ngumeya wedolobho le Gwanda, uMnu. Thandeko Zinti Mkandla uthi okunye okwenza inzuzo yokwenjiwayo ingaphathisi ilizwe yikuthi izigaba lapho okutholakala okwenjiwayo ziyabe zingatholi lutho kodwa inotho ihuquluzwa yiziphathamandla zikahulumende.

Ingcwethi kwezonotho, uMnu. Albert Mhlanga, ongusomabhizmusi njalo, uthi uhulumende kaphathisi abembayo okwenza base phandle kwelizwe abayabe bekutholile ukuze bathole imali yakwamanye amazwe.

Esinye isizalwane se Zimbabwe, uMnu. Terminus Masuku uthi inotho igcwele elizweni kodwa uzulu udubeka ingani akulalutho olusemhlabathini.

UMkandla uthi okunye okungenza ilizwe lincedakale ngezenjiwayo yikuqinisa umbuso wezabelo owe devoloution.

Amankampani emigodi amakhulu afana leye Rio Zimbabwe le Hwange Colliery abhekane lobunzima obukhulu obuthiwa bubangelwa yikuhuquluzwa yiziphathamandla zikahulumende.

please wait

No media source currently available

0:00 0:07:18 0:00

Facebook Forum

XS
SM
MD
LG