amalinks wokungena

Breaking News

Inengi Lithi Nyakenye Ngesikhathi Lesi Umnotho Wawunganeno


Abalwa impi yenkululeko labo basekela ukususwa kukaMugabe.
Abalwa impi yenkululeko labo basekela ukususwa kukaMugabe.

Ngenyanga kaLwezi nyakenye kwaba lokujabula okukhulu abantu bengenza ezitaladeni sebezwe ukuthi owayengumongameli, uMnu. Robert Mugabe usesuke esihlalweni. Inengi lalijabulela ukuthi umuntu ababebona enguye owaletha ubunzima kwezomnotho useze wasuka.

Kodwa babengazi ukuthi udubo luzaqhubeka lusiyaphambili ngesiqubu. Mpela abanye sebesithi umbuso kaMugabe wawunganeno nxa uqathaniswa lowakathesi.

Ingcwethi ecubungula ezombusazwe, uMnu. Dumisani Nkomo uthi kungaba kulomehluko omncinyane kwezamalungelo kazulu kodwa kwezomnotho sokufana kuphinde kubelukhuni kulanyakenye.

Kodwa ilunga lebandla le Zanu PF, uMnu. Believe Gaule uthi okwenzakalayo kungaba yizikhubeko nje ezizedlula ngokuya kwesikhathi.

Intengo ezitolo iya ilokhu ikhwela mihla ngemihla umnotho ugugudeka ngamandla kodwa uGawule uthi lokhu akutshengisi kwehluleka kwabaphethe intambo zombuso.

Kodwa ingcwethi ecubungula ezomnotho, uMnu. Rejoice Ngwenya uthi uMongameli Mnangagwa labanye bakhe sebehlulekile.

Amazwe ayethembise ukuphathisa iZimbabwe ngemali akhanya esemadolonzima.

please wait

No media source currently available

0:00 0:00:10 0:00

XS
SM
MD
LG