Kuqhamuke umlilo esibhedlela seMpilo Central Hospital kwatsha izindlu zabodokotela namhla ntamba.
Akwazakali ukuthi umlilo lo uqale njani kodwa kucatshangelwa ukuthi kungaba kuzintambo zamandla kagetsi ezilumathe lumlilo.
Sixoxe lomphathi wesibhedlela lesi, uDokotela Solwayo Ngwenya ukuzwe sizwe okunengi ngaloludaba.
“Lathi sibiziwe emini satshelwa ukuthi kelesehlakalo lapha endlini ehlala amadokotela sasesithola ifire brigade belwisana lenklakhatha yomlilo,” kutsho uNgwenya.
Uthi umlilo lo utshise yonke impahla yesitezi sokucina lapho okuhlala khona odokotela.
“Kukhanya yikuthi sibelenhlanhla yokuthi kade kungelabantu phakathi. Kodwa kutshe iproperty yenaleyo engikhuluma ngayo okudanisayo sibili,” kutsho uNgwenya.
Uthi imbangale abakayizwa kodwa ebufakazini abalabo besacubungula butshengisa ukuthi kungaba kubangelwe zintambo zamagetsi ezingaba zixhumene kwalumatha umlilo.
Uthi ngokubona kwabo ukulungisisa izindlu lezi kungabalwa impahla ebiphakathi kungafika kumadola angadlula i$500 000.
