amalinks wokungena

Breaking News

Ikhomisheni Ecubungula Ukudutshulwa Kwabantu Ifuna Isotsha Elaphuma Kumabonakude Lidubula Lizofakaza


Isotsha okuthiwa lizofakaza.

Ikhomisheni ecwayisisa ngokudutshulwa kwabantu eHarare iqhubeke phambili namhla intathelizindaba eyathatha umfanekiso wesotsha elidubula abantu isethula ubufakazi.

Umtshutshisi kahulumende uthe kuzamele isotsha leli libizwe ukuzopha ubufakazi.

Kodwa inkokheli yamabutho yathi lelisotsha lalidubula emoyeni njalo ukuguqa phansi kwalo kwakuyikuvika amatshe ayejikijelwa ngabatshengiselayo.

UChris Gande weStudio Seven uxoxe lesikhulumeli sekhomisheni, uMnu. John Masuku ukuze sizwe okunengi okwenzakaleyo.

“Kuqhubeke kuhle. Namhlanje bebalutshwana ababuyileyo. Ababuyileyo bagoqela u Atorney General, uAdvocate Prince Machaya yenake obezochasisa omunye umthetho omeyalana le POSA lesisekelo sombuso. Njalo kubuye abe Zimbabwe Human Rights, labo bezokupha umbono wabo,” kutsho uMasuku.

Intathelizindaba eyathatha umfanekiso wesotsha elidubulayo, uMernard Manyowa laye uphe ubufakazi.

Ikhomisheni le izaqhubeka ngoMvulo lapho okukhangelelwe ukuba umkhokheli weMDC, uMnu. Neslon Chamisa, owethesa icala lokutshotshozela abatshengisalayo, uzakupha ubufakazi.

please wait

No media source currently available

0:00 0:03:53 0:00

Facebook Forum

XS
SM
MD
LG