Owayengumphathintambo wezenzakala ekhaya, uMnu. Obert Mpofu utshele ikhomisheni ecubungula udlakela ukuthi uMnu. Nelson Chamisa wavuma ukuthi wangqotshwa kukhetho.
Likhomisheni igqibe ngoLwesibili ukulalela ubufakazi.
UMpofu uthi ibandla leZanu PF, amabutho kunye lamapholisa ayisiwo abangela udlakela olwacina ngokudutshulwa kwabantu abayisithupha.
UMpofu uthi wacindezela ingxoxo ecingweni lwakhe, uku recorder ngesilungu, lapho uChamisa avuma ukuthi wangqotshwa njalo wasekhuluma kubi ngabasekeli bakamongameli.
UMpofu uthe kwakulabantu abacatshangela ukuthi ngabebandla leMDC ababelezikhali phezu kwezakhiwo bedubula abantu.
Omunye ophe ubufakazi nguNkosazana Linda Masarira othi laye watshaywa ngabasekeli be MDC ngelanga lokutshengisela.
UMasarira uthi uyazi ukuthi abasakhulayo bebandla leMDC bayafundiswa ukusebenzisa izikhali e South Africa lase Zambia.
Omunye ophe ubufakazi ngumtshayeli we khombi owadutshulwa unyawo.
Ukuze sizwe okunengi ngaloludaba, uChris Gande weStudio Seven uxoxe lesikhulumeli sekhomisheni le, uMnu. John Masuku.
