Umphathintambo wezemali uMnu Mthuli Ncube uthi isisindo semali yohlobo lwamaBond Notes sizaqhubeka silingana leseDollar leMelika lanxa nje iqiniso kuyikuthi kayilingani limali.
Ekhuluma lentathelizindaba eHarare ngoLwesithathu, uNcube uthe ukulinganiswa kwemali lezi kuzalondoloza imali zabantu emabhanga kanye lezamampentsheni ukuze zingatshabalala njengalokho okwake kwenzakala.
Kodwa iqiniso elikhona ngelokuthi isilinganiso se-Bond sehlile kakhulu nxa kuqathaniswa lesemali yaseMelika ngoba lanxa uthenga nge-bond uhlawuliswa imali edlula oyihlawuliswayo nxa uthenga nge-dollar.
UNcube ukhulume njalo ngenyathelo lokubhadalisa abathenga izimota phandle kwelizwe umthelo we-duty ngemali yaphandle kwelizwe, esithi injongo yakhe ngeyokwehlisa ukudlaliswa kwemali evele isilela elizweni.
Uthembise ukuthi kusiyafika isikhathi lesi ngomnyaka ozayo, uhulumende uzabe esehlawule imali ethe xaxa eyezikwelede alazo kumabhanga abalisa eleAfrican Development Bank leWorld Bank.
