Abeaifazane babuthane eHarare namhla besithi amalungelo abo ayephulwa ngabatshayeli bamakhombi kunye labo windi babo ngesikhathi kunanzwa amalanga alitshumi lasithupha emhlabeni jikelele okuvikelwa kodlakela oluqondiswe kwabesifazane.
Lokhu kuphume emhlanganweni welanga elilodwa owenhlanganiso ezitshiyeneyo ezilwela ilungelo labesifazane oyenzelwe e Harare ngoLwesithathu.
Unkosikazi Siphathisiwe Moyo owenhlanganiso ye Women’s Coalition Group uthi babone kufanele ukuthi bacubungule inkinga ezibhekana labesifazane nsuku zonke empilweni zabo:
“Besikhuluma ngendaba zokuhlukuluzwa kwabo mama kuma public spaces singathi endaweni ezifana lokugadelwa khona ama khombi lalapho nje anywhere okungaba ku public abangabe befuna ukwenza abafuna ukwenza khona omama batholakala behlukumezwa kakhulu especially ngama touts lama windy,” kutsho uMoyo.
Abesifazane abanengi bakhulume ngabayake bahlangana lakho ezandleni zabatshayeli bama khombi labo windi okufana lokuthethiswa ukubanjwa imizimba yabo bengafuni, ukuthathelwa izikhwama zabo lokunye okunjalo.
Bathi isimo sokuphose ikhulu ekhulwini, 97 percent samacala anje acina engathonisiswanga.
U Nkosazana Chiedza Maromo wenhlanganiso ye Katswe Sisterhood uthi omama kumele beyebika amacala anje emapholiseni.
Kutsho uMaromo: “Ma uhlukuluziwe, ungafika emapholiseni kumele ucele ukubona abe victim friendly unit ngoba ama polisa ayabe ephambili laphana ayabe efuna ukuzwa indaba yakho kodwa engasoke ekuncedise so nxa uphambaniselwe kumele uqale ubone abe victim friendly unit njalo kudingakala ukuthi sihlangane lama legislators kufakwe imithetho eya protector abantu]End of act.
UNkosazana Siphathisiwe Moyo obesemhlananweni lo uthi ubona lumhlangano uzaphathisa ngoba uhlanganisele bonke abalokwenza lendaba ezinje:
“Sikhuluma ngama polisa, abe gender commission,u minister wethu owe women s affairs, so okukhulunywe lapha ngibona angani kuza implementwa okunje ngokuthi ama windi lama touts aba khitshwe amakhombi drivers azakale ukuthi ngobani lapho okugadelwa khona amakhombi abantu bebe yilapho abahamba khona ukuyagadela amakhombi bengabophungukugadela ama khombi anywhere,” kutsho uMoyo.
Abatshutshisi abangene lumhlangano bakhuthaze omama ukuthi basebenzise imithethwandaba eyasungulwalelwa amacala okudlwengulwa lokuhlukuluzwa kwabesifazane lamantombazana, ama Victim Friendly Courts njalo bebuya labantu abangabafakazela.
NgeSonto, inhlanganiso ezimela abamakhombi zibambe umhlangano e Chitungwiza ngesonto zikhuthaza abatshayeli ukuthi bengaphatheki kukuhlukuluzwa kwabesifazane.
Lumhlangano ungenwe yinhlanganiso ezigoqela iKatswe Sisterhood, iLegal Resources Foundation, iWomen’s Coalition, iGender Commission le Harare Residents Trust lezinye.
