WASHINGTON DC —
Izakhamizi zesigaba seMatabeleland ebezifuna ukutshengisela zisithi zifuna kubunjwe ikhomisheni ezacubungula udaba lwe Gukurahundi ziyalelwa ngamapholisa.
UChris Gande weStudio Seven uxoxe lomqondisi wenhlanganiso yabathintwa ngumbhuqazwe lo, eye Post Indipendece Survivor’s Trust, uMnu. Felix Magalela Mafa Sibanda, njalo oyisikhulumeli sebandla leMDC kobulawayo.
UMafa uthi: “Into zeZimbabwe yikuthi ziyahlupha. Amapholisa angqabele ukuthi abantu batshengisele. Abantu kade befuna ukutshengisela bekhumbula ucuku lwe Gukurahundi besisa incwadi yezikhalazo eHigh Court kodwa amapholisa aphongukuvuka isavunguzane ala ukuthi abantu batshengisele,” kutsho uMafa Sibanda.
Uthi lokho kuzondise abantu abanengi kakhulu.
