amalinks wokungena

Breaking News

Abathenga Impahla eDelta le National Foods Ezokuthengisa Sebethwele Nzima


Kwezinye izitolo sokubetha umoya.

Abezitolo bathi sebehlangane lobunzima obukhulu ekutholeni impahla zokuthengisa ikakhulu ezivela kumankampani amakhulu aweDelta kanye leyeNational Foods.

Abanye sebekhetha ukuthenga impahla ezangaphandle kwelizwe eziyizo esezitholakala lula.

Sekulesikhathi eside abanini bezitolo bekhala ngokusilela kwempahla ikakhulu ezivela kumankampani eNationaFoods kanye lepheka amanamnede eyeDelta Beverages. Lamankampani abikwa eselungiselela ukuvala. Imizamo yokukhuluma leziphathamandla zamankampani la koBulawayo yehlule ngoba kuthiwa abalolwazi lokwenzakalayo batholakala esigodlweni eHarare.

UMnumzana Melusi Moyo umninisitolo uthi bathola okulutshwana okuvela kuNational Foods.

“Kunzima ngoba iNational Foods uthola iLimited Stock, abawatholayo asikwazi ukuthi benzenjani. Sekubuya ifestive season, abeDelta abasaproduce, sesize siding amanye amasource laloba kuyikho okusenzela imali. Osekukhona butshwala kuphela,” kutsho uMoyo.

UNkosazana Nonsikelelo Mpofu olesitolo esithengisa ukudla uthi sekudingakala amalayisensi ukuthenga eDelta, yikho becina besiyadinga impahla kwele South Africa.

“AmaDrink siwawoda eSouth Africa ngoba lapha sebefuna umuntu oleLicence, njalo ungahamba eBlack market kuyadula, yikho sesicina sisiya eSouth Africa, ngoba ngingawoda ngiyayithola imali yami. I Licence plus isikhathi sokukhuwela futhi, ngabe bayawafaka emaShop, lakho emashop bayabe besithi umuntu athathe one, ukuthi ngibe ngingena ngiphuma ngingena ngiphuma akwenzi,” kutsho uMpofu.

UMnumzana Bolton Mhlanga osebenza eduzane lenkampani yeDelta uthi linkampani yaqala ilamaqembu amathathu asebenzayo kodwa ehliswa.

“Ikhisimusi yalonyaka iyabe inzima khakhulu, ngoba thina sisebenza khonapha eceleni nje. Kwaqala kulamaShifts kodwa ayelokhe esehla esehla. Ikhisimusi yalonyaka iyaba nzima sibili,” kutsho uMhlanga.

UMnu. Mlondo Madlenya uthi ukuvalwa kwalamankampani kuzadanisa abanengi koBulawayo.

“Ngeke siphatheke kuhle lapha koBulawayo ngokuvala kweNational Food, ngoba abantu abanengo amabhizimisi abo besebethola khonapho eNational Foods. Iyabe siphelile imisebenzi yabantu vele ngeke bephatheke kuhle. Uhulumende besicela ukuthi angenele , aphatheke eNational food ukuthi kungavalwa eNational Food,” kutsho Madlenya.

Inengi edolobheni lakoBulawayo lilokhu lilahlekelwa yimisebenzi kulandela ukuvalwa kwamankampani kulelidolobho.

Lanxa bekuthiwa amankampani la asevaliwe, bekukhanya kunyakazela eNational Foods ngoLwesine, njalo kulesigayo esizwakala sigiga. Abasebenza khona bathi abalamvumo yokukhuluma.

Kunkampani yeDelta, bekuzwakala kuthule, njalo kungelabantu abanyakazelayo.

please wait

No media source currently available

0:00 0:04:39 0:00

Facebook Forum

XS
SM
MD
LG