Kulepheji lobulembu bokuxhumana kuFacebook, elithiwa litshabhini yilabo abaya kulo, bezijabulisa, bexoxa kugidwa kunathwa.
Kwenzakalani kanti etshabhini lobulembu? Isizalwane seZimbabwe esesihlala kweleMelika edolobheni le Indiana, uMandla Calvin Gumbo nguye uAdmin kumbe uShebeen King, ngesilungu.
Ke sizwe ukuthi umandla uyichaza njani itshabhini yebulenjini le ethiwa Mandla’s Lounge Reloaded?
“Laphana ephejini leli elithiwa Mandla’s Lounge Reloaded yikuthi abantu bayabuya bezozikhiphela istress. Okokuthi lipheji okungelamuntu ojaja omunye ukuthi nxa ufuna ukuzikholisela uzijayivele, nxa ufuna ukuzikholisela akulamuntu othethiswayo yikuzikholisela nje, yikukhipha istress eDiaspora,” kutsho uGumbo.
Uthi njengoba kusezungu emazweni aphetsheya abantu bayeza kupheji leli. Okwakathesi kulabalandeli abedlula inkulungwane ezingamatshumi amathathu, i30 000.