WASHINGTON DC —
ULikhwa OkaNcube ngumhlabeleli njalo oyimbongi osethule indlikizane yedlalade elilesihloko esithiwa Ngaliwe.
Sixoxe laye ukuze sizwe ukuthi kanti vele uLikhwa OkaNcube Ngubani?
"Ngizelwe eNkayi Hospital ngakhulela ko Bulawayo ngasengifuna eMkombani Primary School ngasengisuka ngaya eMtshabezi High School. Ngamafitshane ngasengisya eUniversity," kutsho uNcube.
Uthi wafakwa emphakathi ukuthi abe yisikhulumi kodwa enhliziyweni yakhe wayelokhu ezizwa eyimbongi.
Ngokuya kwesikhathi wasehlangana lembongi elodumo, uAlbert Nyathi owamlayela ukuthi ayehlangana lomunye njalo umhlabeleli, uKhuxxman onguye owamncedisa ukuthi acindezele ingoma zakhe.
Uselamadlalade amathathu abalisa lona leli elilengoma edla ubhedu lezinsuku ethi Akungiqome.
