Sokuleminyaka edlula amatshumi amabili lambili wasuka ekhaya eNkosazana Suku Ncube, esizohlala ngapha kweleMelika.
Ngemva kweminyaka yonke le, uyithola njani impilo yeMelika nxa eyiqathanisa leyekhaya?
"Ah, mina yikuthi ngingumuntu othanda ekhaya kodwa nxa sesikhangela umumo nje wodwa, haa, bengikhona ekhaya two weeks ago ngahlala inyanga yonke. Ekhaya kunzima," kutsho uMaNcube.
Uthi okwenza ekhaya kubenzima kakhulu yikuthi imali vele ayikho njalo itholakalanzima.
Kodwa uthi nxa ekhangela impilo yeMelika ikhanya ifuna umuntu ozimeseleyo hatshi ofuna nje ukuthokozisa umzimba.
"Ayisikho ukuthi ilula, lapha kusetshenzwa nge hour akufani lekhaya ukuthi kusetshenzwa ngenyanga, ungaze wekele ukuya emsebenzini inyanga iphela uyathola iholo lakho lonke. Ama leave ekhaya made kula lapha. Kuyasetshenzwa kodwa ukudubeka kwalapha kungcono kulokwekhaya," kutsho uMaNcube.
Uthi impilo yeMelika ayifani leyekhaya ukuthi liyancedana licelana isawudo ngoba ngapha ngu ndoda zibonele.
Uthi lobudlelwano abalabo lezizalwane zeMelika ayisibo lobana obufana lobekhaya.