Inhlelo zikahulumende weleMelika, ezibalisa izakhiwo lendawo ezivakatshelwa ngabavela kundawana zelizwe lomhlaba jikelele zilakho ukuvalwa kumalanga angaphansi kwamatshumi alndelayo nxa kungavunyelwananga ukwabela imali yokwakha umduli ozavala umgcele welizwe leli lele Mexico.
Sikathi sonke nxa umnyaka ususiyaphela idale le Senate lele House uyavumelana inhlelo ezimele zibhadalelwe nguhulumende kuluhlu lwendleko zakhe.
Kodwa kumele kuqale kuvunyelwane phakathi kwamabandla athi elama Democrats, eliphikisayo, lelama Republicans elibusayo okwamanje. Nxa engavumelananga isikhathi esabelwa imali yomnyaka odluelyo singafika kungavunyelwananga uhulumende uyavalwa kuze kube lesivumelwano.
NgoLwesithathu uMongameli Donald Trump unxuse inkokheli yebandla lama Democrats, usomlomo we Senate, uNkosikazi Nancy Pelosi lesikhulumeli sedale le The House, uMnu. Chuck Schumer ukuthi bakhulumisane ngaloludaba.
Lanxa lumhlangano ubungamelanga wenziwe kulentathelizindaba uMongameli Trump ubikwa ezibizile.
Kube lokuphoselana aqhatha uTrump esithi nxa umduli wawuthembisa phambilini kokhetho ungakhiwanga kasoze asayine isivumelwano okuzenza ukuthi uhulumende avalwe.
Kutsho uTrump, Konke elingakutsho angilandaba. Ngiyaziqhenya ukuvala uhulumende ngenxa yokuthi ngifuna ukuvikela ilizwe.
UPelosi lo Schumer labo bembe phansi bathi umduli abasoze bavumele ukuthi wakhiwe ngoba uyikudlalisa imali.
Kutsho uPelosi: Kumele sibekwazi okungasiza emngceleni, sibe lobufakazi ukuthi kufanakala yonke imali leyo.
Ngemva komhlangano, isikhulumeli sebandla lama Republicans, uMnu. Paul Ryan uthi kuyamangalisa ukuzwa ukuthi ibandla lama Democrats, lona elisandakuba lamalunga amanengi edale kulama Republicans alifuni kuvikela ilizwe emengceleni.
Kodwa uSchumer uthi kuyamangalisa ukuthi kuloMongameli ongazitshaya isifuba ngokuthi uhulumende avalwe.
Ingcwethi kwezombusazwe zithi kuzakubanzima ukuthola isisombululo kudaba lokuvalwa kukahulumende kunsukwana ezilandelayo.
