Ukuxokozela osokuqhamuke kuZanu PF phezu kokuthi ngubani ozancintisa emele lelibandla kukhetho lukaMongameli ngo2023 sokubangele imibuzo eminengi.
Abanye bathi lokhu kuveza ukuthi sokuvukile njalo ukulwisana obekukhona phakathi kwalelibandla ngesikhathi sikaMugabe.
Izabelo zeZanu PF sezimemezele ukuthi zifuna uMongameli Emmerson Mnangagwa abe nguye ozancintisa emele lelibandla kukhetho olusaleminyaka emihlanu ukuthi lwenziwe.
Umbuzo omkhulu usuke ube ngothi kanti kujahweni njengoba ilizwe lisanda phuma kolunye ukhetho nje?
Impendulo ngokutsho kwabanye, yikuthi sokulokulwisana phakathi kukaMnangagwa lomsekeli wakhe uMnu Constantino Chiwenga.
Kodwa abanye kuZanu PF bayakulandula lokhu. Ukuhlaziya loludaba sixhume ilunga leMDC uMnu Edwin Ndlovu lelunga leZanu PF uMnu Believe Gaule onguye osungula lingxoxo.
