Umhlangano webandla leZanu PF owenziwa kanye ngomnyaka ugqitshiwe namhla kulokuvumelana ukuthi lelibandla kumele lisebenze gadalala ukuze kuqedwe inhlupho ezibhekane lelizwe ezifana lokusilela kwemali emabhanga, ukuqongwa kwentengo ezitolo, ukusilela kwemisebenzi lokunye okunengi nengi.
Lelibandla livumelene njalo ukuthi uMongameli Emmerson Mnangagwa nguye ozamela ibandla leli kukhetho lokudinga uMongameli olomnyaka ka 2023 loka 2028.
Isikhulumeli salelibandla, uMnu. Simon Khaya Moyo utshele intathelizindaba ze ZBC ukuthi ibandla litshengise ukudana ngomumo okhona elizweni kodwa lavumelana ukuthi kumele kusetshenzwenzima ukulungisisa umumo.
Ke sizwe amazwi kaMnu. Moyo ekhuluma ngemva komhlangano lo:
Ukuhlaziya loludaba sixoxe lolwela ilungelo likazulu, uMnu. Bekezela maduma fuzwayo ukuze sizwe imbono yakhe ngaloludaba.