amalinks wokungena

Breaking News

"Iyezi Elimnyama Elokudana Lizembesa Ilizwe NgeKhisimusi"


Ikhisimusi yalonyaka izakubambi

Osomabhizimusi abanengi bathi lonyaka umsebenzi awufani leminyakeni ngenxa yokusilela kwemali yakwamanye amazwe ukukhuphuka kwentengo yempahla lezinye izizatho ezinengi nengi.

Ikhefu lekhisimusi selisondele kodwa kuleyezi elimnyama elembese isizwe laqeda ukuthokoza okujayeleke ngalesisikhathi inengi eliyabe lihole ama bonus.

Abalezitolo edolobheni lakoBulawayo bathi uzulu uyakhalaza kakhulu ngoba sebefuna imali yakwamanye amazwe kodwa kungelamuntu oyiholayo elizweni kutholakala ama bond notes.

UMnu. Thulani Mlawuzi olesitolo uthi uhlupho olukhulu yimali yakuleli, iBond Note, eyiyo esimisa ukuhamba kwebhizimusi.

“Hayi iBusiness iLow this time, ayifani lemnyakeni. Iproblem yiBond ngoba amaPrices ethu siwafake ngeUSA. Ngoba amaUSD awakhwelwkhweli awatshintshatshintshi so amaBond asiAffectele iBisuness this time. Abantu babona engani bayabe betshaye iLoss nxa engathenga ngeUSA kantike yiyo imali esiyabe sithenge ngayo. Asikhipheni iBond,” kutsho uMlawuzi.

Umnumzana Danny Ndlovu yena uthi ukuthengisa kwalonyaka ngalesisikhathui kunzima ngoba abantu bengathengi ngendlela abayijayeleyo ngesikhathi sekhisimusi.

“Lonyaka ibusiness I think isubdued sibili ngoba abantu abathengi ngendlela abajwayele ngayo. Amasales esijayele ukuwarecord lonyaka awafani ngiba abantu abakho forthcoming ngemali yabo, mhlawumbe they are opting to prioritise ezinye izintio. Inthi business wise its very subdued, and ama-indications are that lonyakla we will not record the usual business,” kutsho uNdlovu.

UMnu. Mkhululi Mpofu uthi ikhefu leli ngeke libe mnandi ngoba ingxenye yemali eholwayo ihle iphelele ekuthengeni ukudla okunye kungathengeki.

“Iholiday leyi angiboni izabamnandi ngoba ihalf yeyay iphelela kuGrocery. Ngapha uyabe umelelwe yizikhool feels zabantwana so usually sithatha iPreference yeziSchol fees zabantwana. So utholaukuthi i-drink easasyyiththa nje nge $1 last year, khathesi sesiyinatha nge$4.50. So kuyala yona iCooking oil yayiyi$3 khathesi siyi $5 la oyithile khona,” kutsho uMpofu.

Ngesikhathi lapho abantu bekhala ngokusilela kwempahla ezitolo, abanengi bachitha isikhathi besenwendweni zamafutha emota. Umnumzana Dumisani Mahlangu uthi abezimota ezithwala abantu sebethatha amathuba ukuthi bakhwezele abantu imali abayibhadalayo. UMnu. Mahlangu uthi kuthiwa kwezinye indawo ezinjengeSigodini amafutha ayatholakala njalo lokhu kwenza engathi kulobandlululo.

“Isituation yeFuel kuyafiwa akula fuel anywhere, akula fuel and abamakombi are capitalizingayasikhwezela. Otherwise sizwa kuthiwa iyatholakala Esigodini ngoba kuleConference yeZanu thina lapha singela. Asazi ukuthi bayithola ngaphi ngoba kungani kulabanye aba-more important than others,” kutsho uMahlangu.

Umnumzana David Dube uthi ubelenhlanhla ukuthola amafutha lamhlanje kodwa kuyinto engayindawo, ubuye wathi lokhu kutshengisa ukwehluleka kwababusayo.

“Well, iSituation yeFuel nxa ngiyikhangele mina ngibona engathi abadala ababusayo bayasehlulekela thina koBulawayo ngoba ma ngikhangele, ngivela kuFuel Queue khona manje, ngilenhlanhla ngiyitholile kodwa basengibhode kakhulu. Kodwa nxa ngikhangele, nxa uzatshona iHalf morning ulindele iFuel kutsho ukuthi akula ozakwenza. Laba abadala ngapha besithi sisebenze, sisebenzani sihlala kumaFuel Queue,” kutsho uDube.

Sekusele insuku ezimbalwa ukuthi ikhisimusi ifike. Osomabhizimusi abanye bandise ukuthola inzuzo ethe xaxa ngenxa yokuthi izizalwane zeZimbabwe ezihlala kwamanye amazwe, ikakhulu injiva zeGoli, ziyabuya lamaqubaquba emali. Kodwa lonyaka iyezi elimnyama elembese ilizwe likhanya livalela labavela phetsheya ukuzojabula ekhaya ngeKhisimusi.

please wait

No media source currently available

0:00 0:06:23 0:00

Facebook Forum

XS
SM
MD
LG