Abalwela amalungelo kazulu sebetshayele ihlombe ikhomishini kaMotlanthe ngokukhuthaza uhulumende ukuthi alungise udaba lombhuqazwe weGukurahundi ukuze kube lokuxolelana elizweni.
Inkuthazo le ikugwalo lwempumela yocwaningo phezu kodlakela olwalandela ukhetho olusanda kwedlula ethulwe nguMongameli Emmerson Mnangagwa izolo.
Ikhomishini le ikhuthaze njalo uhulumende ukuthi eqinise ingatsha ezibona ngezamalungelo ezifana leZimbabwe Human Rights Commission ukuze zikwazi ukuvikela amalungelo oluntu.
Ixwayise njalo uhulumende ukuthi ahlawule abantu ababulawelwa izihlobo libutho mhlaka 1 ngoNwabakazi kanye labalimala ngokutshaywa lokudutshelwa ngamasotsha lamapholisa.
Ithe njalo amasotsha lamapholisa aphatheka kuloludlakela kumele athonisiswe. Sixhume Ingcwethi kwezombusazwe uMnu Effie Dlela Ncube sambuza ukuthi uthini ngodaba wleGukurahundo lolu.
