Abokholo lwezinkonzo zesiKhristu bathi kufanele uhulumende alandele izixwayiso ezikugwalo lwe report emumethe okwaphuma ngemva kokudingisisa ngodlakela olwaqhamuka eHarare kusanda ukuqhutshwa ukhetho lonyaka.
Okunengi ngaloludaba asikuzweni kungxoxo uSithandekile Mhlanga weStudio 7 ayiqhube loMnu. Useni Sibanda, isiphathamandla seZimbabwe Christian Alliance.
"Nxa sikhangela ukuqhubekela phambili ama recommendations engiwabonileyo aqakathekileyo amabili; okwakuqala yikubana labo okuthiwa badubula, kuyakhulunywa lapha yi commission leyi ukuthi ngabantu abazalethwa lapha bakhulumisana ukuthi bathoniswe ngumthethwandaba kubonakale ukuthi kuyini owenza ukuthi baze badubule abantu," kutsho uSibanda.
Uthi lokhu kuqakathekile ukuthi kwelakusasa abebutho nxa beceliwe ukthi benze umsebenzi bebekwazi ukuthi ukudubula abantu bakukho emthethweni.
Okwesibili uSibanda uthi ikhomisheni le ithe kumele kukhulunyiswane phakathi kwamabandla ezombuszwe.
"Lezimuli zalabo abadutshulelwe abantu balethe lapha ama recommendations ukuthi kubelendlela yokuthi bazabhadalwa ngayo labantwana kumele baye ezikolo babhadalelwe uhulumende athathe iresponsibility," kutsho uSibanda.
Uthi lokhu kuzavula indlela ngemuva ukuba indaba ezifana le Gukurahundi lokunye kukhangelwe.
