Namhla sisungula uhlelo lwethu lweviki yonke lapho esihlaziya khona imbangela yokungaphumeleli kwabanye abaculi abadabuka esigabeni seMandebeleni abathi okunye okwenza bengaziwa yikungaphiwa ithuba emsakazweni lendawo zokuzilibazisa.
Namhla ke sisungula loluhlelo loKhuxmaan, kumbe uKhulekani Bethule umhlabeleli njalo oseke wancindezela ingoma, kumbe uku producer, ezabanye.
Ukhuxmaan uthi: "kulezizatho ezinengi, kodwa engingakubeka ngamafitshane yikungabi le confidence yomculo wethu okwenziwa yibonabo abamele benze umculo wethu wazakale ama DJ ema club langaphingaphi."
UKhuxmaan uthi nxa bona labo abantu bengafikisanga umculo wabo ebantwini kusuka kwenze abantu abayabe bethande ingoma becine bezibona beyibo bodwa abalandela lumculo.
Uthi njalo labonabo okumele bathande lezongoma bacina bengasayithandi ngoba bayabe bezibuza ukuthi kanti vele lumculo ngiwuthandelani ngiyimi ngedwa bedele inhliziyo zabo.
"Singasoli oDJ sisithi abatshayi ingoma zethu kodwa uzathola ukuthi khonaphana uyabe eprotector iimage yakhe njengo DJ ngoba laye uyabe esithi ngingatshaya ingoma zako Bulawayo abantu bazathi ngiyabhowa, the next thing abantu abasamthandi ngoba besithi uyabhowa," kutsho uKhuxmaan.
