Ababalisi abangamalunga enhlanganiso elwela amalungelo amatitshala eyeAmalgamated Rural Teachers Union of zimbabwe (ARTUZ) baqede ukuhamba umango ongamakhilomhitha angamakhulu amabili lamatshumi amahlanu, 250 km ngeviki edluleyo.
Bathethe amalanga adlula ayisithupha ukuze bafike eharare. Lokhu bekyikutshengisela befuna ukuholiswa ngedola lemelika lezinye izikhalazo.
Bake bahlukuluzwa, babotshwa bethuselwa bavalelwa ejele elinukayo abanye basuka kuhambo lolu sebevuvuke inyawo.
IStudio seven ixoxe loNkosazana Catherine Jubane, umqoqi wenhlelo ze ARTUZ eMatabeleland South, ongomunye abaphutshe loluhambo ukuz sizwe ukuthi bahambe njani.
"Sasihamba between 20 to 30 kilometers ngelanga kusiya ngokuthi sizwa njani. Sasihamba nje ngomgwaqo sihlabela sithwele ama placard lebanner. Sasihamba siphumula sidinga ama refreshment endleleni," kutsho uJubane.
Uthi kwezinye izindawo babesedlula endaweni ezingelamizi bethwaliswanzima ngokuswela amanzi okunatha.
Uthi babotshwa kabili konke, bacina bebasa eHarare Central.