Umkhokheli webandla leMDC, uMnu. Nelson Chamisa uthi uhlangane loMongameli wele South Africa, uMnu. Cyril Ramaphosa baxoxisana ngodaba lwe Zimbabwe.
UChamisa wethule imfanekiso enkundleni yokuxhumana, eye Twitter.
Isikhulumeli sakhe, uMnu. Nkululeko Sibanda utshele iStudio Seven ukuthi ngempela ababili laba bahlangene.
"Ukubeke sobala ukuthi uke waba lomhlangano kuhambo lwakhe evikini eliphelileyo ukuba ehamba eSouth Africa uhlangane loMongameli Cyril Ramaphosa labanye kodwa uthi umhlanano wakhe uhambe kahle kakhulu sibili," kutsho uSibanda.
Uthi ubona ungani okuqakathekileyo yikuthi usekhulumisana labakhokheli be SADC ukuze ukuhlala kwabantu beZimbabwe kubengcono.
Kodwa uSibanda walile ukuveza ukuthi inkulumo zakhona zigoqela ezokubumba uhulumende womanyano kodwa esithi okuqakathekileyo okukhulunywa ngu Chamisa kulemhlamvu ezinhlanu.
"lezi ngezihambelana lokuthi impilo yezizalwane ze Zimbabwe ingalungiswa kanjani," kutsho uSibanda.
