Umkhokheli webandla leMDC, uMnu. Nelson Chamisa usanda khulumisana lomkhokheli welizwe le South Africa, uMnu. Cyril Ramaphosa okungokunye okuphe abanye abasekeli bebandla leli ithemba lokuthi engxenye kuzakuba lenkulumo ezizaxazulula inkinga eziselizweni.
Sixoxe lesikhulumeli sika Chamisa, uMnu. Nkululeko Sibanda saqala ngokumbuza ukuthi kanti inhlelo ezathenjiswa abalandeli be MDC ezigoqela ukutshengisela, ukukhulumisana lezinye zizaqutshwa nini nanku lomnyaka usuze waphela?
"UPresident Nelson Chamisa ufake abantu ezitaladeni nxa sikhangela umhlaka 29 November. Kwasekusithi ngemva kwalokho kumele sibe sikhulumisana sidinga ukuba ngubani ongavuma ukuthi kudingwe ukulungisisa indaba zodubo elizweni," kutsho uSibanda.
Uthi kuliqiniso ukuthi abantu bazaqhubeka betshengisela nxa kuyikuthi umumo awulungiswanga elizweni.
"UZimbabwe kumele akhangelele ukuthi mhlawumbe umnyaka ka 2019 engaletha kakhulu inguquko kade ikhangelelwe ukuthi ingabuya ngomnyaka 2018," kutsho uSibanda.
Uthi zikhona inhlelo ezithile ezizakwenziwa libandla ezibalisa yikuya ebantwni komkhokheli webandala.