Namhla siyaqhubeka ngenxoxo zethu lapho esikhangela udaba lokuba abahlabeleli bako Bulawayo lesigaba saMandebele jikelele abaphiwa ithuba eleneleyo emoyeni lasemaklabhini.
Sixoxa lomunye wabacula ingoma lezi emaklabhini, uDJ Mandla ohlala ngapha kweleMelika othi umbuzo lo uzima ukuthi kahle kahle uwuqonde.
"Uyazi ipromotion iqala kubo DJ bonabo abase Bulawayo labo DJ abasemaklabhu ako Bulawayo.Bona bengaqala ukuzitshaya first wonke umuntu uzahle aqale ukuzizwa sebebuza ukuthi ah, ingoma le yatshaywa ngubani," kutsho uDJ Mandla.
Uthi usekelo luqala ebantwni njenagase Harare kungaba lengoma entsha iyatshwaywa emisakazweni lasema klabhini.
"Okunye futhi yikuthi nxa betshaya ingoma ababi original njengabakudala abafana labo Majaivana. EHarare bafuna ukutshaya njengabe Jamaica kuthi koBulawyo bafuna ukutshaya nejngabase South Africa," kutsho uDJ Mandla.
Uthi okunye okungenziwa yikuthi kube lemisakazo ezatshaya ingoma zako Bulawayo kuphela.
