Inhlanganiso ebizwa ngokuthi: “Qoki Zindlovukazi-Amanina Amahle,” elamalunga ayizizalwane zeZimbabwe ezingabesifazana avela eMatabeleland leMidlands, ahlala emazweni agoqela eleMelika, eleNgilandi, leleCanada, inikeze abantwana abahlala ezitaladini ukudla lempahla ngekhefu lonaleli elekhisimusi.
Umqondisi walinhlanganiso, yona evame ukuncedisa izibhedlela ngengubo lezinye impahla, uNkosazana Sithule Nicole Tshuma uthi baqoqe imali bayithumela ekhaya lapho okulabantu abaphathise ngokupheka lokwabela abantwana labanye ukudla.
"Ngalelikhefu omama be Qoki labanye kade belesifiso bahlanganisile baqoqana bapha abantu ukudla, especially abahlala ezitaladeni zako Bulawayo. Kulabantwana abahlala ngemva kwako Hyper duzane le Total Garage okwatsha khona, yikho kade siqoqe ukuthi sibanike labanye abadubekayo," kutsho uTshuma.
Uthi baphe abantu abedlula amatshumi amahlanu kwaze kwasala ukudla kwacina kuphiwa abantu abangasweliyo.
